Breyting á efnainnihaldi viðmiðunarmjólkur frá 01.01.2026

Samsetning viðmiðunarmjólkur (grundvallarmjólkur) breytist frá 1. janúar 2026 og verður eftirfarandi (með fyrirvara um staðfestingu Verðlagsnefndar búvöru):

Fita: 4,21% (var 4,23%)

Prótein: 3,37% (var 3,38%)

Bæði fitu- og próteinprósenta viðmiðunarmjólkur lækkar sem sagt á milli ára. 

Við útreikninga á efnainnihaldi viðmiðunarmjólkur, öðru nafni grundvallarmjólkur, er miðað við meðalefnainnihald síðustu þriggja ára, nú árin 2023, 2024 og 2025.

Vægi efnaþáttana í grundvallarverði mjólkur verður óbreytt, þ.e. hvor efnaþáttur vegur 50% af afurðastöðvarverði.

Gildandi lágmarksverð sem Verðlagsnefnd búvöru ákveður (gildir frá 17.nóvember 2025) er 141,39 kr/l. miðað við 1. flokks viðmiðunarmjólk.

Frá og með 1. janúar 2026 er verð á hverja fitu- og próteineiningu eftirfarandi:

Útreikningur á verði til framleiðenda pr. lítra mjólkur er gerður með eftirfarandi hætti: 

(16,7922 *F%) + (20,9777 * P%) = kr. á lítra mjólk

Dæmi:

Mjólkurframleiðandi leggur inn í afurðastöð hrámjólk með 4,45% fitu og 3,34% prótein.

Viðkomandi mjólkurframleiðandi fær þá greitt fyrir þessa mjólk (16,7922 * 4,45) + (20,9777 * 3,34) = 144,79 kr/l. sem er þá 3,40 kr. hærra verð á hvern lítra en viðmiðunarmjólkin er. Ástæðan er að efnainnihald fitunnar hjá viðkomandi bónda er talsvert meira en viðmiðunarmjólkin er. Próteininnihald mjólkurinnar í þessu dæmi er þó undir viðmiðunarmjólkinni sem lækkar verð hennar lítillega á móti.

Til baka