Aðalfundur Auðhumlu svf. 2026

Aðalfundur Auðhumlu svf. verður haldinn miðvikudaginn 29. apríl 2026 að Bitruhálsi 1 í Reykjavík (Höfuðstöðvar MS).

Á aðalfundinn verða boðaðir þeir 40 fulltrúar sem nýlega hlutu kjör í öllum 14 deildum Auðhumlu svf. Jafnframt verða boðuð á fundinn stjórn og varastjórn félagsins auk boðsgesta en fundurinn er opinn hinum almenna félagsmanni sem hefur þar málfrelsi og tillögurétt skv. 14. grein samþykkta Auðhumlu svf.

Fulltrúaráðsfundir hafa æðsta vald í málefnum félagsins og á aðalfundi er m.a. kosið til stjórnar félagsins á hverju ári skv. 8. grein samþykkta Auðhumlu svf.

Stjórn Auðhumlu svf. hefur ákveðið að í fundarboði verði þeim aðilum sem hafa áhuga á að bjóða sig fram til stjórnar félagsins gefinn kostur á að tilkynna framboð sitt.

Samkvæmt 5. mgr. 4. gr. samþykkta Auðhumlu svf. eru þeir einstaklingar sem skráðir eru í félagatal Auðhumlu svf. kjörgengir í stjórn félagsins og fulltrúaráð. Í þeim tilfellum þar sem lögaðilar eru félagsaðilar að Auðhumlu svf. eru eigendur lögaðilans, félagsmenn, framkvæmdastjórar og aðal- eða varastjórnarmenn lögaðilans kjörgengir í stjórn – enda starfi þeir að verulegu leyti við framleiðsluna.

Samkvæmt 14. grein samþykktanna skulu fulltrúar boðaðir skriflega (tölvupóstur) til aðalfundarins með dagskrá með minnst 7 daga fyrirvara sem þýðir að fundarboðið þarf að fara út eigi síðar en 22. apríl n.k.

Áhugasamir um framboð til stjórnar eru því beðnir um senda tölvupóst á netfangið jhs@audhumla.is  - eigi síðar en 21. apríl n.k.  - ef vilji er til að tilkynna framboð til stjórnar félagsins í fundarboðinu.

Á það skal þó bent að tilkynning um framboð í fundarboði er valkvætt og er félagsmönnum heimilt er að bjóða sig fram til stjórnar hvenær sem er fram að aðalfundi og jafnframt á fundinum sjálfum áður en kosningar fara fram.

Sjá nánar:

Samþykktir Auðhumlu svf.

Til baka