Um Auðhumlu
Auðhumla er samvinnufélag í eigu um 700 mjólkurframleiðenda um land allt og hefur það hlutverk að taka við mjólk frá félagsmönnum sínum og umbreyta í mjólkurafurðir sem eru seldar á markaði á Íslandi og erlendis. Auðhumla er móðurfélag Mjólkursamölunnar ehf. með 92,5% eignarhlut.

Aðsetur
Austurvegi 65, 800 Selfoss   Kennitala 460269-0599    Aðalvsknr. 1585
Forstöðumaður fjármálasvið Garðar Eiríksson sími 480 1606 GSM 892 9069 Netfang: gardare hja audhumla.is
Bændabókhald Guðmundur Theodórsson sími 480 1608   Netfang: gth hja audhumla.is
Sími 569 2200, fax. 480 1610.
Netfang: audhumla hjá audhumla.is

Forstjóri  er Einar Sigurðsson einars hja ms.is

Auðhumlunafnið
Auðhumla er frumkýrin samkvæmt norrænni goðafræði. Hún varð til þegar frost Niflheims blandaðist eldum Múspellsheims í ginnungagapi. Á sama tíma varð jötunninn Ýmir til og hann nærðist á mjólk Auðhumlu, en úr spenum hennar runnu fjórar mjólkurár. Að sögn nærðist Auðhumla á hrímsteinum sem hún sleikti. Dag einn er hún sleikti hrímsteinana birtist hár manns, þann næsta birtist höfuð og þriðja daginn maðurinn allur. Hann var kallaður Búri og var ættfaðir ásanna.

Hefð fyrir Auðhumlunafninu
Auðhumlunafnið kemur eftir því sem næst verður komist fyrst fram sem heiti á framleiðsluvöru Mjólkursamsölunnar í Reykjavík.
Einnig var nafnið notað af framleiðendum á Eyjafjarðarsvæðinu sem sameinuðust MS árið 2006.

Merki Auðhumlu
Eitt helsta einkennið í merki Auðhumlu er dropinn sem tengir það við mjólkina og dropann í MS-merkinu. Stilkarnir sem standa sinn hvorum megin og mynda að hluta til dropann eru A-in úr heitinu AUÐHUMLA en um leið má sjá „M“ eða fjöll.

Skipurit Auðhumlu 2009