Fréttir af aðalfundi Auðhumlu svf. 2023

Aðalfundur Auðhumlu svf. 2023 var haldinn 28.apríl sl. í Reykjavík. 

Aðalfundinn sátu 41 fulltrúi úr þeim 14 deildum sem sem standa að Auðhumlu svf., auk stjórnarmanna, starfsmanna og gesta. Á aðalfundinum voru hefðbundin aðalfundarstörf samkvæmt samþykktum félagsins, s.s. flutt skýrsla stjórnar og endurskoðaðir reikningar síðastliðins árs lagðir fram til samþykktar. 

Rekstrartekjur samstæðunnar námu 38,8 milljörðum og hagnaður fyrir afskriftir og fjármagnsliði (EBITDA) voru 2,3 milljarðar króna.  Heildareignir samstæðunnar voru tæpar 27,8 milljarðar króna í árslok 2022 og heildarskuldir rúmir 13,0 milljarðar króna. Eigið fé samstæðunnar í árslok 2022 nam rúmlega 14,7 milljörðum og eiginfjárhlutfall því um 53,1%. Hagnaður móðurfélagsins nam 396 milljónum króna.

Þá fór talsverður fundartími í yfirferð og kosningar á breytingartillögum á samþykktum Auðhumlu svf., sem sérstakur starfshópur sem stjórn Auðhumlu svf. hafði skipað, lagði fram. Samþykktir Auðhumlu svf. að loknum aðalfundi 2023 má sjá hér.

Aðalfundurinn samþykkti tillögu stjórnar um að aðildargjald Auðhumlu svf. yrði óbreytt, kr. 30.000

Aðalfundurinn samþykkti tillögu stjórnar um að tillag í stofnsjóð yrði 0,5% af afurðainnleggi sem og að utanfélagsmenn greiddu 0,5% af afurðainnleggi í varasjóð. Um er að ræða lækkun um 0,1% frá fyrra ári í báðum tilvikum.

Á aðalfundinum var stjórn og varastjórn Auðhumlu svf. endurkjörin en stjórn félagsins skipa:

Varamenn:

Sif Jónsdóttir, Laxamýri

Linda B Ævarsdóttir, Steinnýjarstöðum

Haraldur Magnússon, Belgsholti

Á aðalfundinum var Haraldur Einarsson, Urriðafossi, endurkjörinn skoðunarmaður félagsins til tveggja ára sem og varamaður hans, Geir Árdal, Dæli. Þá voru Benóní Torfi Eggertsson og Árni Þór Vilhelmsson endurkjörnir endurskoðendur félagsins f.h. Deloitte hf. 

Félagsmenn Auðhumlu svf. geta nálgast fundargerð aðalfundarins í Skjóðunni á Bændavef Auðhumlu svf.

Til baka