Áskorun stjórnar Auðhumlu á Kristján Þór Júlíusson landbúnaðarráðherra.

Stjórn Auðhumlu skorar á Kristján Þór Júlíusson landbúnaðarráðherra að endurskoða ákvörðun um að hætta við ráðningu skrifstofustjóra á skrifstofu matvæla og landbúnaðar í atvinnuvega- og nýsköpunarráðuneytinu. Fyrir um áratug var landbúnaði og sjávarútvegi skeytt saman undir einu ráðuneyti og það fylgdi jafnframt sögunni að þessi breyting yrði til þess fallin að styrkja stjórnsýsluumhverfi landbúnaðarins. Raunin varð önnur og hefur sá mannauður sem hafði góða þekkingu á landbúnaði nánast þurrkast út í ráðuneytinu.   Nú þarf að blása til sóknar því að verkefnin á sviði landbúnaðar eru mörg og mikilvæg og skipta máli fyrir framtíð landbúnaðar á Íslandi. Það verður ekki gert með því að leggja þau inn í skrifstofu alþjóðamála.

Til baka